Лондоннинг «Арсенал» клуби «Ливерпуль» ярим ҳимоячиси Кёртис Жонсни «Интер»дан тортиб олиши мумкин.
Calciomercato нашрининг хабарига кўра, «Арсенал» 25 ёшли футболчи учун курашга қўшилган. «Интер» ҳам унга бўлган қизиқишини сақлаб турибди, бироқ «Ливерпуль» талаб қилаётган 40 миллион еврони тўлашга тайёр эмас. Ҳозирча Италия чемпиони 25 миллион евродан кўп бўлмаган маблағ таклиф қилмоқда.
Алоҳида таъкидланишича, «тўпчилар» бош мураббий Микель Артета учун ярим ҳимоя чизиғини ранг-баранг қилиш мақсадида Жонсни ўз сафига қўшиб олмоқчи.
2025/26 йилги мавсумда Жонс барча турнирларда 49 та ўйинда майдонга тушиб, учта гол урди ва учта голли узатмани амалга оширди. Хавбекнинг «Ливерпуль» билан амалдаги шартномаси 2025 йилнинг ёзида якунига етади.
