«РБ Лейпциг» вингери Ян Диоманде «Ливерпуль»дан анча фойдалироқ молиявий таклиф олганига қарамай, фаолиятини «ПСЖ»да давом эттиришга қарор қилди.
Парижликлар ушбу истиқболли ивуарлик футболчи билан келишувга жуда яқин туришибди. Журналист Лоик Танзининг маълум қилишича, «Ливерпуль» 19 ёшли футболчига анча салмоқли иш ҳақи таклиф қилган, бироқ у барибир Францияга кўчиб ўтиш вариантини афзал кўрган. «ПСЖ» бош мураббийи Луис Энрике билан бўлиб ўтган шахсий суҳбат ёш футболчида жуда катта таассурот қолдирган.
Трансфер шартларини «РБ Лейпциг» клуби билан келишиб олиш осон бўлмайди, бироқ Лига 1 гранди раҳбарияти ушбу битимни иложи борича тезроқ ёпишга умид қилмоқда. Мавжуд маълумотларга кўра, немис клуби ўз юлдузи учун 120 миллион евродан кўпроқ маблағ талаб қилмоқда.
