Лондоннинг «Арсенал» клуби Жаҳон чемпионатидан (ЖЧ-2026) сўнг Вильяи Салибанинг умумий аҳволи бўйича тиббий хулосаларни кутган ҳолда, унинг жисмоний ҳолатини жиддий назорат остига олган.
«Канонирлар» янги мавсум олдидан бирор бир якуний қарорга келишдан аввал футболчининг жисмоний тайёргарлиги ва соғлиғига тўлиқ баҳо беришни режалаштиришмоқда.
Шу билан бирга, Лондон клуби кутилмаган кўнгилсизликларнинг олдини олиш (захира режаси) мақсадида трансфер бозорида марказий ҳимоячи позицияси учун бир нечта вариантларни ўрганиб чиқди.
«Арсенал» ўз радарларига олган ҳимоячилар қаторида «Кристал Пэлас» аъзоси Максанс Лакруа ва «Астон Вилла» вакили Эзри Конса бор. Бундан ташқари, сўнгги ҳафталарда яна бир нечта номзодларнинг имкониятлари ҳам атрофлича таҳлил қилинган.
