30 ёшли ярим ҳимоячи Жоау Палинья «Тоттенхэм»даги ижара муддати якунланиб, ортга қайтганидан сўнг «Бавария»да қолади. Бу ҳақда таниқли журналист Флориан Плеттенберг хабар бермоқда.

Манбанинг берган маълумотларига кўра, «шпорлар» Сандро Тонали ва Матеуш Фернандешни сотиб олганидан кейин, Пальинья бўйича битимдан воз кечишган. 30 ёшли хавбекка қизиқиш билдирган «Спортинг» клуби ҳам «Бавария»нинг катта молиявий талаблари туфайли уни сотиб олиши амримаҳол.

Якунланган мавсумда Пальинья «Тоттенхэм» таркибида барча турнирларда 45 та ўйинда майдонга тушиб, 7 та гол урди ва 3 та голли узатмани амалга оширди.

Португалиялик футболчининг «Бавария» билан амалдаги меҳнат шартномаси 2028 йилнинг ўрталарига қадар мўлжалланган.