«Милан»нинг вингери (қанот ҳужумчиси) Рафаэл Леау ҳамон «Барселона»нинг қизиқишлар доирасида қолмоқда.

Gazzetta dello Sport нашрининг хабар беришича, «Барселона» «Милан»дан Леау борасида маълумот сўраган. Таъкидланишича, Италия гранди ўз футболчисини 60 миллион евро эвазига қўйиб юборишга тайёр, чунки жамоанинг янги бош мураббийи Рубен Аморим унга ишонч билдирмаяпти.

Бироқ Леауни сотиб олиш «Барселона» учун биринчи даражали вазифа эмас, сабаби «кўк-анорранглилар» бундан олдинроқ Энтони Гордонни ўз сафига қўшиб олишган. Айни дамда каталонияликларнинг бош мақсади — ҳужумчи Хулиан Альварес трансфери ҳисобланади. Аммо клуб уни қўлга кирита олмаса, Леау варианти кўриб чиқилиши истисно этилмайди.

Якунланган мавсумда 27 ёшли португалиялик футболчи барча турнирларда 31 та ўйинда иштирок этиб, 10 та гол урди ва 3 та голли узатмага муаллифлик қилди.