ОФК президенти шайх Салмон бин Иброҳим ал-Халифа Иордания терма жамоасини плей-офф тўқнашувида ғалаба қозонгани билан табриклади ва Ўзбекистон терма жамоасига ўзининг чуқур эҳтиромини билдирди.

Ўзбекистон ва Иордания терма жамоалари ўртасидаги плей-оффнинг жавоб баҳси ҳам 1:1 ҳисоби билан якунланди ва пенальтилар сериясида меҳмонлар 9:8 ҳисобида ғалаба қозонишди.

"Мен Иордания терма жамоасини қийин кечган плей-офф баҳсидаги ғалаба билан муборакбод этаман. Ҳар иккала жамоа ғалабага бўлган иштиёқини намойиш қилди. Учрашувда ҳам иккала жамоа ҳам ғалаба қозониши мумкин эди. Боиси, иккала ўйин ҳам 1:1 ҳисобидаги дуранг билан якунланди. Шунингдек, пенальтилар серияси ҳам жуда қизиқарли кечди," дейди ОФК раҳбари.

"Ўзбекистон терма жамоаси ҳам қалбимда чуқур из қолдирди. Ушбу жамоа мазкур саралаш кампаниясини ажойиб ўтказди. Ишончим комил, Ўзбекистон кейинги жаҳон чемпионати саралаш босқичида имкониятни қўлдан бой бермайди ва Мундиалга чиқа олади", дейди Салмон.

"Иордания аҳлини эса қитъалараро плей-офф йўлланмаси билан табриклайман ва уларга ҳал қилувчи баҳсда омад тилайман. Умид қиламанки, улар Бразилияда Осиёнинг бешинчи жамоаси сифатида иштирок этадилар.