Испания терма жамоаси ярим ҳимоячиси Педри Португалия терма жамоаси аъзоси Витинья ҳақида ўз фикрларини билдирди. Душанба, 6 июль куни жамоалар ўзаро Жаҳон чемпионатининг чорак финал йўлланмасини ўйнашади.

«Витинья — жуда юқори даражадаги ўйинчи, айниқса тўп назорати борасида. У тинимсиз югуради, ҳеч қачон тўхтамайди — майдонда унга қарши тўқнаш келганимда бу мени доим ҳайратда қолдирган. Витинья доимо узатма амалга ошириш учун имконият топа олади. Аввал айтганимдек, бу топ-даражадаги ўйинчи. Дунёдаги энг яхши ярим ҳимоячилардан бири», — дея Marca Педрининг сўзларини келтирмоқда.

1/16 финалда Испания Австрияни мағлуб этган (3:0), Португалия эса Хорватия устидан ғалабани илиб кетган эди (2:1).