«Тоттенхэм» марказий ҳимоячиси Раду Дрэгушин яқин орада «Фиорентина»га ўтади. Бу ҳақда инсайдер Николо Скира хабар бермоқда.
Манба маълумотларига кўра, 24 ёшли футболчи «Фиорентина» билан 2031 йилгача мўлжалланган шартнома шартларини келишиб олган, бироқ бу ерда битта жиҳат бор. «Бинафшаранглилар» ҳимоячини маълум бир шартлар бажарилган тақдирда мажбурий сотиб олиш ҳуқуқи билан ижарага олишни режалаштирмоқда. Келишувнинг умумий суммаси 19 миллион еврони ташкил қилиши мумкин, Дрэгушиннинг шартномаси эса «1+4» схемаси бўйича имзоланади.
Дрэгушин 2024 йилдан буён «Тоттенхэм» шарафини ҳимоя қилиб келмоқда. Якунланган мавсумда футболчи атиги 11 та учрашувда майдонга тушди ва самарали ҳаракатлари билан ажралиб тура олмади.
