"Удинезе" марказий ярим ҳимоячиси Артюр Атта фаолиятини Англия Премьер-лигасида давом эттириши мумкин.
Инсайдер Николо Скиранинг хабар беришича, франциялик футболчининг хизматларига АПЛнинг икки вакили — "Ньюкасл" ва "Астон Вилла" клублари қизиқиш билдирмоқда. Манбага кўра, "Удинезе" ўз ўйинчисининг трансферидан тахминан 40 миллион евро ишлаб олмоқчи.
Ўтган ёзда Италия клуби ярим ҳимоячини "Мец"дан атиги саккиз миллион евро эвазига сотиб олган эди. "Удинезе" таркибида Атта барча мусобақаларда 34 та ўйин ўтказиб, рақиблар дарвозасини олти бор ишғол этди ва тўртта голли узатма муаллифига айланди.
Футболчининг "Удинезе" билан амалдаги меҳнат шартномаси 2029 йилнинг ўрталарига қадар мўлжалланган.
