Ярим ҳимоячи Жоао Гомес ёзги трансферлар ойнасида «Вулверхэмптон»ни тарк этиши мумкин.

Globo хабарига кўра, бразилиялик футболчига топ-клублар томонидан қизиқиш билдирилмоқда. Даъвогар жамоалардан бири — «Ливерпуль». «Қизиллар» ёз давомида Гомеснинг трансфери бўйича расмий таклиф билан чиқиши мумкин.

Жоао Гомес 2023 йилда «Фламенго»дан «Вулверхэмптон»га 18 миллион евро эвазига ўтган эди. Унинг амалдаги шартномаси 2030 йилнинг 30 июнига қадар мўлжалланган. Transfermarkt портали футболчини 40 миллион еврога баҳоламоқда.

Эслатиб ўтамиз, 2025/26 йилги мавсум якунларига кўра, «Вулверхэмптон» Англия Премьер-лигасида 20-ўринни эгаллади. Навбатдаги мавсумни «бўрилар» Чемпионшипда ўтказади.