«Ливерпуль» ярим ҳимоячиси Алексис Мак Аллистер мерсисайдликларнинг Мексиканинг «Тихуана» клуби ярим ҳимоячиси Хильберто Морага қизиқиш билдираётгани ҳақидаги хабарларга изоҳ берди.

17 ёшли футболчи Мексикадаги энг иқтидорли ўйинчилардан бири ҳисобланади ва ўз уйида ўтган Жаҳон чемпионатидаги муваффақиятли ўйинидан сўнг етакчи Европа клублари эътиборини тортди. ОАВ маълумотларига кўра, «Ливерпуль» аллақачон футболчининг эҳтимолий трансфери бўйича алоқа ўрнатган ва унинг нархи тахминан 40 миллион еврони ташкил этиши мумкин.

«Ростини айтсам, бу борада ҳеч нарса кўрмадим. Аммо агар уни «Ливерпуль» билан боғлашаётган бўлса, демак, у чиндан ҳам жуда яхши футболчи ва бунинг ўз сабаблари бор», — дея Мак Аллистернинг сўзларини келтиради This Is Anfield.

Аввалроқ Морага «Арсенал», Мадриднинг «Реал», «Барселона», «Манчестер Сити» ва «Челси» клублари ҳам қизиқиш билдираётгани хабар қилинган эди.