Мадриднинг «Реал» клуби собиқ бош мураббийи Зинедин Зидан ЖЧ–2026 якунланганидан сўнг Франция терма жамоасининг янги бош мураббийига айланади. Бу ҳақда машҳур журналист Фабрицио Романо хабар берди.
Франция терма жамоаси жаҳон чемпионатидаги иштирокини Дидье Дешам раҳбарлигида якунлайди. Аввалроқ мутахассис мундиал тугагач ўз лавозимини тарк этишини маълум қилган эди.
Французлар ЖЧ–2026 ярим финалида Испанияга 0:2 ҳисобида мағлуб бўлишди. Энди улар учинчи ўрин учун баҳсда Аргентина — Англия ярим финал жуфтлигида мағлуб бўлган жамоага қарши майдонга тушади. Ушбу учрашув 19 июль куни бўлиб ўтади.
Дидье Дешам 2012 йилдан буён Франция терма жамоасини бошқариб келмоқда. У жамоани 2018 йилги жаҳон чемпионатида чемпионликка олиб чиққан.
Зинедин Зидан эса клуб футболида катта муваффақиятларга эришган. У «Реал»ни 2016–2018 ва 2019–2021 йилларда бошқариб, уч марта Чемпионлар лигаси ғолиби, икки марта Испания чемпиони бўлган ҳамда қатор халқаро совринларни қўлга киритган.
