«Манчестер Сити»нинг собиқ марказий ҳимоячиси Жон Стоунс фаолиятини Италия А Сериясида давом эттириши мумкин.

Sky Italia нашрининг хабар беришича, 32 ёшли футболчининг хизматларига «Интер» ва «Ювентус» клублари қизиқиш билдирмоқда. Манба берган маълумотларга кўра, ҳар икки клуб ҳам Стоунснинг талабларини ўрганиб чиққан, бироқ ҳозирча ҳеч ким аниқ қадам ташламаган.

Стоунс 2016 йилдан бери «Манчестер Сити»да тўп суриб келаётган эди. Шу ёзда ҳимоячи эркин агент мақомида жамоани тарк этди.

У «шаҳарликлар» либосида ўн йил давомида 295 та ўйин ўтказиб, 19 та гол урди ва 9 та голли узатмани амалга оширди.

Аввалроқ, Стоунсга ўз вақтида «Манчестер Сити»га ўтишига сабабчи бўлган собиқ клуби «Эвертон» ҳам қизиқиш билдираётгани хабар қилинган эди.