«Интер» ва Аргентина терма жамоаси ҳужумчиси Лаутаро Мартинес фаолиятини Испанияда давом эттириши мумкин. Бу ҳақда ElNacional.cat хабар бермоқда.

Манбанинг маълум қилишича, «Барселона» ҳужумчини ўз сафига қўшиб олишдан манфаатдор ва футболчини ўз шорт-листига киритган. Бир неча йил олдин Каталония клуби аргентиналик футболчига қизиқиш билдирган эди, бироқ ўшанда трансфер амалга ошмай қолганди.

Эслатиб ўтамиз, Лаутаро Мартинес жаҳон чемпионати ярим финалида захирадан майдонга тушиб, иккинчи бўлимга қўшиб берилган вақтда Лионель Мессининг узатмасидан сўнг ғалаба голини киритди ва аргентиналикларни мундиал финалига олиб чиқди.