«Ливерпуль» ярим ҳимоячиси Доминик Собослаи жамоанинг янги бош мураббийи Андони Ираола ҳақида нима деб ўйлаётганини айтиб берди.
Испаниялик мутахассис июнь ойининг бошида истеъфога чиқарилган Арне Слот ўрнини эгаллаган эди. «Борнмут»нинг собиқ устози билан мерсисайдликлар ўртасидаги шартнома 2028 йилнинг ўрталарига қадар мўлжалланган.
«Ираола «Борнмут»даги иши билан ажойиб мураббий эканлигини исботлади. Улар доимо биз билан Премьер-лиганинг энг шиддатли жамоаси мақоми учун курашган. Мен Ираолани кўзга кўринган мураббий деб ҳисоблайман ва унинг қўл остида ўйнашни интиқиб кутяпман», — дея Собослаининг интервьюсидан иқтибос келтиради Англия оммавий ахборот воситалари.
Венгриялик ярим ҳимоячи «Ливерпуль» билан тузган меҳнат шартномасини 2031 йилгача узайтирди.
