«Барселона»нинг собиқ футболчиси Златан Ибрагимович «Астон Вилла»нинг 23 ёшли ярим ҳимоячиси Морган Рожерснинг 138 миллион евро эвазига «Челси»га ўтиши мумкинлиги ҳақидаги хабарларга муносабат билдирди.
«Битта мавсумни омадли ўтказган ҳар қандай футболчи ҳам 100 миллион евро туравермайди. Буни зудлик билан тўхтатиш керак! Қизиқ, агар Рожерс 138 миллионга баҳоланаётган бўлса, унда Ламин Ямал, Винисиус ва Майкл Олисенинг нархи қанча туриши керак? Бунга чек қўйиш лозим», — деди Ибрагимович Fox Sports студиясида.
Ўтган мавсумда Рожерс барча турнирларни ҳисобга олган ҳолда 55 та ўйинда майдонга тушиб, 14 та гол урди ва 12 та голли узатмани ўз ҳисобига ёздириб қўйди.
