«Барселона» ярим ҳимоячиси Фермин Лопес янги мавсумга тўлиқ тайёр эканини намойиш этмоқда.
Sport нашрининг хабар қилишича, футболчи Ханси Флик бошқарувидаги жамоанинг асосий етакчиларидан бирига айланиш учун ҳам жисмоний, ҳам руҳий жиҳатдан тикланишга муваффақ бўлган.
Жароҳати сабабли жаҳон чемпионатини ўтказиб юборган ярим ҳимоячи айни пайтда соғлиғини тўлиқ тиклаб олган. Қайд этилишича, у фаолиятидаги энг муваффақиятли мавсум кўрсаткичларини (13 та гол ва 16 та голли узатма) янгилашни ва жамоанинг муваффақиятларига муносиб ҳисса қўшишни мақсад қилган.
