Ярим ҳимоячи Тиджани Рейндерс катта эҳтимол билан ушбу ёзда «Манчестер Сити»ни тарк этмайди.

Football Insider нашрининг хабарига кўра, «шаҳарликлар» нидерландиялик футболчининг жамоадан кетишга бўлган ҳар қандай уринишларини блоклаб қўймоқчи (рад этмоқчи). Ошгап-миш-мишлар футболчини «Ньюкасл», Мадриднинг «Атлетико» ва «Галатасарай» клублари билан боғламоқда, аммо «Манчестер Сити» ўз ўйинчисини бу ёзда қўйиб юбормайди.

Тиджани Рейндерс «Манчестер Сити»га 2025 йилнинг ёзида «Милан»дан 54 миллион евро эвазига ўтган эди. Унинг шартномаси 2030 йилнинг 30 июнигача мўлжалланган. 2025/26 йилги мавсумда ярим ҳимоячи «шаҳарликлар» сафида барча турнирларда 47 та ўйин ўтказиб, уларда еттита гол урди ва саккизта голли узатмани амалга оширди. Transfermarkt портали Рейндерснинг қийматини 50 миллион еврога баҳоламоқда.