«Манчестер Юнайтед» трансфер нархи юқорилиги сабабли Карлос Балеба ва Алекс Скотт билан шартнома имзолаш фикридан воз кечди. Бу ҳақда TEAMtalk нашри хабар бермоқда.

Манбалар берган маълумотга кўра, айни вақтда клубнинг ярим ҳимоя чизиғи учун асосий нишони «Фулхэм»нинг 28 ёшли норвегиялик футболчиси Сандер Берге бўлиб турибди. Футболчи 2024 йилдан бери лондонликлар шарафини ҳимоя қилади ва унинг трансфери 40 миллион фунт стерлингга баҳоланмоқда.

Берге Норвегия терма жамоаси сафида жаҳон чемпионатида иштирок этди. Ярим ҳимоячи Францияга қарши баҳсдан ташқари қолган бешта ўйинни алмаштиришларсиз тўлиқ ўтказди.