«Арсенал» ва Франция терма жамоасининг марказий ҳимоячиси Вильям Салиба белида операция ўтказмайди, деб хабар бермоқда L’Équipe.
Манбанинг сўзларига кўра, «Арсенал» раҳбарияти билан бир қатор маслаҳатлашувлардан сўнг футболчи жарроҳлик амалиётидан бош тортишга қарор қилган.
Салибанинг белидаги муаммолар узоқ вақтдан бери давом этмоқда. Хабар қилинишича, ЖЧ-2026да ҳимоячи жароҳат билан ўйнаган. Салиба ярим финалдаги Испанияга қарши ўйинни (0:2) охиригача етказа олмаган эди.
Аъзоларининг тикланишига вақт бериш учун футболчи бир неча ойни ўтказиб юборади.
