«Челси» шу ёзда ҳимоячи Аксель Дисасини сотишга тайёр.

The Sun нашри маълумотларига кўра, франциялик футболчини ўз сафига қўшиб олишга кўплаб клублар қизиқиш билдирмоқда. Шунингдек, «Милан» ҳам футболчининг трансфери бўйича расмий сўров юборди. «Кўклар» Дисасини 25 миллион фунт стерлинг эвазига қўйиб юборишга тайёр.

Аксель Дисаси 2023 йилда «Монако»дан «Челси»га 45 миллион евро эвазига ўтган эди. Унинг Лондон клуби билан шартномаси 2029 йилнинг 30 июнигача мўлжалланган. 2025/26 йилги мавсумнинг иккинчи ярмида ҳимоячи ижара ҳуқуқи асосида «Вест Хэм» сафида тўп сурди. У «болғачилар» таркибида барча турнирларда 17 та ўйинда майдонга тушиб, 1 та гол урган. Transfermarkt портали Дисасининг ҳозирги нархини 15 миллион еврога баҳоламоқда.