«Фрайбург» дарвозабони Ноа Атуболу фаолиятини Италияда давом эттириши мумкин.
La Gazzetta dello Sport нашри маълумотларига кўра, янги голкипер қидираётган «Ювентус»га 24 ёшли футболчининг хизматлари таклиф қилинган. Шу билан бирга, германиялик дарвозабон «Фрайбург» билан янги шартнома имзолашни хоҳламаяпти — унинг клуб билан амалдаги битими 2027 йилнинг 30 июнигача мўлжалланган, шу сабабли кейинги ёзда у эркин агентга айланиши мумкин.
Ноа Атуболу «Фрайбург» тарбияланувчиси ҳисобланади ва бутун фаолияти давомида айнан шу клубда тўп сурган. 2025/26 йилги мавсумда голкипер барча мусобақаларда 50 та ўйинда майдонга тушиб, ўз дарвозасидан 70 та тўп ўтказиб юборди ва 12 та учрашувда ўз дарвозаси дахлсизлигини сақлаб қолди. Transfermarkt портали Атуболунинг трансфер қийматини 25 миллион еврога баҳоламоқда.
