Ярим ҳимоячи Ҳарви Эллиотт шу ёзда «Ливерпуль»ни тарк этиши мумкин.

Football Insider нашри хабарига кўра, агар ярим ҳимоячи мавсумга тайёргарлик жараёнида жамоанинг янги бош мураббийи Андони Ираолада ижобий таассурот қолдира олмаса, «қизиллар» уни сотиб юбориши мумкин. Футболчининг ўзи «Ливерпуль»да қолмоқчи, бироқ унинг амалдаги шартномаси келаси ёзда ўз ниҳоясига етади. Ярим ҳимоячига «Лидс», «Кристал Пэлас», «Сандерленд» ва «Ковентри» клублари қизиқиш билдирмоқда.

Ҳарви Эллиотт 2019 йилда 1,7 миллион евро эвазига «Фулхэм»дан «Ливерпуль»га ўтган эди. Ўтган мавсумда ярим ҳимоячи ижара ҳуқуқи асосида «Астон Вилла» шарафини ҳимоя қилди ва барча турнирларда 9 та ўйинда майдонга тушиб, 1 та гол урди.