L'Equipe нашрининг хабар беришича, «ПСЖ» Ян Диоманде бўйича музокараларни тўхтатганидан сўнг, асосий эътиборини янги марказий ҳимоячи харид қилишга қаратди.
Франция чемпионлари ҳозирда ҳам марказий, ҳам ўнг қанот ҳимоячиси позициясида ўйнай оладиган ва ўнг оёқда яхши ҳаракат қиладиган ҳимоячига устуворлик беришмоқда.
Хабарда айтилишича, спорт маслаҳатчиси Луиш Кампуш музокараларга киришишдан олдин муносиб номзодни аниқлаш бўйича селекция жамоаси билан биргаликда селекция жараёнига бош-қош бўлмоқда. Мақсад — Ашраф Ҳакимийга ўринбосар топиш ва шу билан бирга Луис Энрике ҳимоя чизиғининг чуқурлигини оширишдир.
«ПСЖ» Диоманде учун курашдан чиққач, янги мавсум олдидан жамоадаги мувозанатни бузмаган ҳолда ҳимоя чизиғини кучайтиришни режалаштирмоқда. Бу борада ҳимояни кучайтириш клуб учун устувор вазифага айланган.
