Tuttosport нашри хабарига кўра, «Ювентус» «Пари Сен-Жермен» ҳужумчиси Рандаль Коло Муанининг трансферини шу ҳафта охиригача якунлашига тобора кўпроқ ишонч билдирмоқда. Музокаралар якуний босқичга кирди.
Манбада қайд этилишича, «Ювентус» ва «ПСЖ» француз ҳужумчисининг кейинчалик 40 миллион евродан ортиқ суммага сотиб олиш мажбурияти шарти билан ижарага ўтиши бўйича келишувни расмийлаштириш устида ишламоқда.
Коло-Муани «бьянконерилар»нинг ҳужум чизиғидаги асосий нишони бўлиб қолмоқда. Бош мураббий Лучано Спаллетти 27 ёшли футболчининг халқаро турне олдидан жамоа ихтиёрига келиб қўшилишини жуда хоҳлаяпти.
Туринликлар ҳужум чизиғини кучайтириш учун муқобил вариант сифатида «Парма» ҳужумчиси Матео Пеллегрино номзодини ҳам шорт-листда ушлаб туришибди.
Шундай бўлса-да, «Ювентус» бу ёзда янги ҳужумчи билан шартнома имзолашни устувор вазифа деб билади. Ўтган мавсумнинг иккинчи ярмини Туринда ижарада ўтказган Коло Муани эса улар учун энг мақбул вариант ҳисобланади.
