«Бенфика» ҳимоячиси Антониу Силва «Борнмут» футболчисига айланиши кутилмоқда. Бу ҳақда Footmercato хабар бермоқда.

Манбанинг хабарига кўра, клублар 22 ёшли футболчининг трансферини 25 миллион еврога келишиб олишган. Яна 5 миллион евро бонуслар учун ажратилади. Яқин орада Португалия терма жамоаси ўйинчиси тиббий кўрикдан ўтиши керак.

Силва «Бенфика» тарбияланувчиси ҳисобланади. Унинг Лиссабон клуби билан шартномаси бир йилдан сўнг тугар эди. Ҳимоячи ҳисобида Португалия миллий терма жамоаси сафида 22 та ўйин бор.

Ўтган мавсумда Силва клуб даражасида 41 та ўйинда майдонга тушиб, 1 та гол урган, 1 та голли узатма берган ва 8 та сариқ карточка олган.