«Борнмут» ва Бразилия терма жамоаси футболчиси Райан Европа грандлари эътиборини тортди.

Transfer News Live нашрининг The Sun Footballга таяниб хабар беришича, 19 ёшли чиқаётган юлдузнинг муваффақиятларини «Ливерпуль» ва «Арсенал» кузатиб бормоқда, шунингдек, ўйинчига Мадриднинг «Реал» клуби, «Бавария» ва «ПСЖ» ҳам қизиқиш билдирмоқда. «Олчалар» вингерни сотишга шошилмаяпти ва тахминан 100 миллион евро сўрамоқда.

Райаннинг Transfermarkt порталидаги баҳоси 60 миллион еврони ташкил этади. Иқтидорли футболчи жорий йилнинг январь ойида «Васко да Гама»дан «Борнмут» сафига келиб қўшилган эди. Бразилиялик вингер Премьер-лиганинг 15 та ўйинида 5 та гол урди ва 2 та голли узатмага муаллифлик қилди.