Ҳужумчи Рандаль Коло-Муани яна «Ювентус» либосини кийишга жуда яқин турибди. Football Italia нашрининг хабар беришича, 27 ёшли француз аллақачон Туринда кўриниш берган. Яқин вақт ичида битим расман эълон қилиниши мумкин.
Аввалроқ Коло-Муанининг «ПСЖ»дан «Ювентус»га трансфер суммаси бонусларни ҳисобга олган ҳолда 50 миллион еврога етиши мумкинлиги ҳақида хабар берилган эди.
Рандаль Коло-Муани илгари ҳам «Ювентус» шарафини ҳимоя қилган — у 2024/2025 йилги мавсумнинг иккинчи ярмида ижара асосида «кекса синьора» сафида ўйнаган. Ўшанда француз Турин клуби учун 22 та ўйинда майдонга тушиб, 10 та гол урган ва 3 та голли узатмага муаллифлик қилган эди.
«Ювентус» 2026/2027 йилги мавсумдаги илк расмий ўйинини 23 август куни «Фрозиноне»га қарши ўтказади.
