«Ал-Ҳилол» 29 ёшли ҳужумчи Малкомни трансферга қўймоқчи ва унинг ўрнини «Борнмут»нинг 19 ёшли вингери Райан билан тўлдирмоқчи. Музокаралар яқин ҳафталарда фаоллашиши кутилмоқда. Бу ҳақда Globo нашри хабар беради.
Манбанинг таъкидлашича, футболчи «Ал-Ҳилол» бош мураббийи Симоне Инзагининг 2026/27 йилги мавсум учун режаларига киритилмаган. Саудия клуби раҳбарияти Малкомнинг трансфери бўйича тушаётган таклифларни кузатиб бормоқда.
Малком «Ал-Ҳилол»га 2023 йилнинг ёзида «Зенит»дан ўтган эди. Футболчининг клуб билан амалдаги шартномаси 2027 йилнинг ёзигача мўлжалланган. Transfermarkt порталида келтирилган маълумотларга кўра, бразилиялик ўйинчининг бозор қиймати 18 миллион еврони ташкил этади.
