«Al-Hilol» 29 yoshli hujumchi Malkomni transferga qo‘ymoqchi va uning o‘rnini «Bornmut»ning 19 yoshli vingeri Rayan bilan to‘ldirmoqchi. Muzokaralar yaqin haftalarda faollashishi kutilmoqda. Bu haqda Globo nashri xabar beradi.

Manbaning ta’kidlashicha, futbolchi «Al-Hilol» bosh murabbiyi Simone Inzagining 2026/27 yilgi mavsum uchun rejalariga kiritilmagan. Saudiya klubi rahbariyati Malkomning transferi bo‘yicha tushayotgan takliflarni kuzatib bormoqda.

Malkom «Al-Hilol»ga 2023 yilning yozida «Zenit»dan o‘tgan edi. Futbolchining klub bilan amaldagi shartnomasi 2027 yilning yozigacha mo‘ljallangan. Transfermarkt portalida keltirilgan ma’lumotlarga ko‘ra, braziliyalik o‘yinchining bozor qiymati 18 million yevroni tashkil etadi.