Норвегия терма жамоасининг 35 ёшли голкипери Эрьян Нюланд эркин агент сифатида «РБ Лейпциг»га қайтади. Бу ҳақда журналист ва инсайдер Фабрицио Романо X ижтимоий тармоғида хабар берди.
Германия клуби Нюландни «Вильярреал»га ўтишга яқин турган Петер Гулачининг ўринбосари сифатида кўрмоқда. Томонлар оғзаки равишда ҳамкорликни келишиб олишди, яқин орада бу келишувлар расман мустаҳкамланади.
Аввалроқ Эрьян Нюланд «Астон Вилла», «Норвич Сити», «Борнмут», «Рединг» ва бошқа жамоаларда ўйнаган. Футболчи «РБ Лейпциг» шарафини 2022 йилдан 2023 йилгача ҳимоя қилган, шундан сўнг «Севилья»га ўтган эди. Норвегия терма жамоаси таркибида дарвозабон 2026 йилги жаҳон чемпионатининг 1/4 финалигача етиб борган.
