Кабо-Верде терма жамоасининг 40 ёшли дарвозабони Возинья «Коло-Коло»га ўтишни якунлаш учун Чили аэропортига қўнди. Бу ҳақда журналист ва инсайдер Фабрицио Романо хабар бермоқда.
Илгарироқ Марокашнинг «Беркан» клуби «Коло-Коло»дан дарвозабонни тортиб олишга урингани ҳақида хабар берилган эди. Таъкидланишича, футболчи ўз режаларини ўзгартириб, Марокаш жамоасига ўтишнинг сўнгги тафсилотларини муҳокама қилган эди.
Возинья 2026 йилги Жаҳон чемпионатида тўртта ўйин ўтказиб, уларнинг иккитасида ўз дарвозаси дахлсизлигини сақлаб қолди. Дарвозабоннинг «Коло-Коло»га ўтгунга қадар охирги клуби Португалия иккинчи дивизионидаги «Шавиш» жамоаси бўлган. Ўтган мавсумда 40 ёшли голкипер барча турнирларда 19 та ўйинда майдонга тушиб, шулардан олтита ўйинда гол ўтказмади. Transfermarkt порталида келтирилган маълумотларга кўра, футболчининг бозор қиймати 500 минг еврони ташкил этади.
