«ПСЖ» «Парма»га берган таклифини оширгандан сўнг, Япония терма жамоаси дарвозабони Сион Сузукининг трансферини тезлаштириш ниятида.

23 ёшли дарвозабоннинг бозор қиймати 30 миллион еврони ташкил этади. Парижликлар таклиф суммасини 33 миллион еврогача оширишди ва битимни имкон қадар тезроқ ёпишга умид қилишмоқда.

Фабрицио Романонинг хабар беришича, асосий таркибдан жой кафолатланмаганига қарамай, футболчининг ўзи ҳам Парижга кўчиб ўтишни хоҳламоқда.

«ПСЖ» ҳамон дарвозабон учун курашда бошқа клубларни, жумладан Премьер-лига вакилларини ортда қолдирмоқда.

Судзуки ЖЧ-2026да Япония терма жамоаси таркибида тўртта ўйин ўтказиб, ўз дарвозасидан бешта тўп ўтказиб юборди. А Серияда эса унинг ҳисобида 57 та ўйин ва 81 та ўтказиб юборилган гол бор.