«Галатасарай» ҳужумкор ярим ҳимоячи Алексей Батраковнинг трансфери бўйича музокараларни бошлашга ҳаракат қилди. «Инсайды от Карпа» телеграм-каналининг хабар беришича, Стамбул клуби «Локомотив»га клуб музокаралар олиб боришга тайёрми-йўқми, деган мазмунда сўров юборган. «Темирйўлчилар» бош директори клубга бу қизиқ эмаслигини айтиб жавоб берган.
Олдинроқ «Галатасарай» 21 ёшли Батраковнинг вакиллари билан боғланган эди. Футболчининг шартномасидаги сотиб олиш опцияси Туркия Суперлигаси клублари учун амал қилмагани сабабли Стамбул «шерлари»ни «Локомотив»га ҳавола қилишган.
Нўфузли Transfermarkt портали Алексей Батраковни 28 миллион еврога баҳоламоқда.
