Қозоннинг «Рубин» клуби Ўзбекистон терма жамоаси ҳимоячиси Жаҳонгир Ўрозовни жамоанинг янги футболчиси сифатида таништирди. Футболчи Россия Премьер-лигаси клубига Самарқанднинг «Динамо» жамоасидан ижара ҳуқуқи асосида ўтди.
Қозон клуби сафида Ўрозов 2026 йилнинг охиригача тўп суради. Янги жамоада ҳимоячи 13-рақамни танлади. Олдинроқ Самарқанднинг «Динамо» матбуот хизмати қозонликларда футболчини сотиб олиш ҳуқуқи бўлишини хабар қилган эди.
/i/t/k/17857665011291602732.jpg)
Ўрозов «Динамо» таркибидаги уч мавсум давомида 55 та ўйин ўтказиб, битта гол урган. Жорий ёзда у Ўзбекистон терма жамоаси таркибида АҚШ, Канада ва Мексикада бўлиб ўтган 2026 йилги жаҳон чемпионатида иштирок этди. Футболчи турнирда иккита ўйинда майдонга тушди: Колумбия (1:3) ва ДР Конгога (1:3) қарши.
