Бельгия терма жамоаси ярим ҳимоячиси Кевин Де Брейне 2026/27 йилги мавсумда «Наполи»да қолади, деб хабар берди журналист Саша Тавольери X ижтимоий тармоғида.

Манбанинг хабарига кўра, 35 ёшли бельгиялик футболчи оиласи билан маслаҳатлашгач, клубини ўзгартирмасликка ва неаполликлар шарафини ҳимоя қилишда давом этишга қарор қилган. Олдинроқ ОАВда футболчига «Интер Майами» томонидан қизиқиш борлиги ҳақида хабар берилган эди.

Де Брейненинг «Наполи» билан амалдаги шартномаси 2027 йилгача мўлжалланган. Transfermarkt портали футболчининг қийматини 8 миллион еврога баҳоламоқда.

2025/26 йилги мавсумда Де Брюйне барча турнирларда 21 та ўйинда майдонга тушиб, 5 та гол урган ва 4 та голли узатмага муаллифлик қилган. ЖЧ-2026 да эса у 5 та ўйинда 1 та гол муаллифига айланган.