«Реал»нинг собиқ футболчиси ва мураббийи Хорхе Вальдано 41 ёшли Криштиану Роналдунинг фаолиятини якунлаши керакми ёки йўқлиги ҳақидаги саволга жавоб берди.

— Криштиану ҳақли равишда барча даврларнинг энг буюк футболчилари қаторига киради. Гап шундаки, у аллақачон муайян ёшга етган ва у ўйинини ривожлантиришда барча жиҳатдан Мессидан тубдан фарқ қиладиган йўлни танлади. У жарима майдончасига яқинроқ ўйнашга интилди, Месси эса ундан узоқроқ майдонда ҳаракат қилди — уларнинг ҳар бири ўз афзалликларидан келиб чиқиб ўйин боришига таъсир ўтказишга ҳаракат қилди. Криштиану гол уриш билан узвий боғлиқликни сақлаб қолишни истади, Месси эса ўйиннинг ўзи билан.

— Агар сиз Криштианунинг мураббийи бўлганингизда, унга нимани маслаҳат берган бўлардингиз: ўйнашда давом этишними ёки фаолиятини якунлашними?

— Мен барча футболчиларга футболни ҳар бир лаҳзасидан фойдаланишни маслаҳат бераман. Тарих ўз вақтида кетмаганларни жазолайди, дейишгани ёлғон: Кройфф «Леванте»да пайдо бўлди, Пеле — «Космос»да, Марадона «Ньюэллс»га ўтиб, бор-йўғи битта ўйин ўтказди... Барбир Кройфф — Кройффлигича, Пеле — Пелелигича, Марадона эса Марадоналигича қолди, — деди Вальдано.