«Милан» ярим ҳимоячиси Лука Модрич нима учун клуб билан шартномасини узайтирганини тушунтириб берди.
Жаҳон чемпионати бошланишидан бироз олдин 40 ёшли хорватиялик футболчининг мундиал якунланиши биланоқ фаолиятини тугатиш ниятида экани ҳақида миш-мишлар пайдо бўлган эди. Шунга қарамай, июль ойида ўйинчи «россонерилар» билан 2027 йилнинг ўрталаригача мўлжалланган янги шартнома тузди.
«Менда ҳеч қандай шубҳа йўқ эди — энг бошиданоқ қолмоқчи эдим. Шартномани декабрь ойидаёқ узайтиришим мумкин эди, аммо танам ўзини қандай ҳис қилишини, футболга бўлган иштиёқим сақланиб қолиш-қолмаслигини кўриш учун мавсум охиригача кутишга қарор қилдим», — деди Модрич Sky Sport нашрига берган интервьюсида.
