«ПСЖ» бош мураббийи Луис Энрике ўртоқлик ўйинида «Мальорка»дан учралган мағлубиятдан сўнг (0:3) ўз фикрлари билан ўртоқлашди.

«Обиектив баҳо бериш қийин. Биринчи тайм қизиқарли кечди. Рақибнинг иккинчи голига олиб келган хатога йўл қўйдик. Бундан сўнг қийин бўлди. Аммо кўрганларимдан мамнунман.

Академиянинг бир нечта ёш футболчилари жуда яхши ўйин кўрсатишди. Ушбу ўйинда биз жисмоний ҳолатимизни яхшилаб бордик. Бу биз кутган натижа эмас, аммо бу футбол.

«ПСЖ»га қарши ўйин — ҳар қандай жамоа учун қўшимча мотивация манбаи. Бу мутлақо табиий ҳол. Бу мавсумолди тайёргарлигимизнинг биринчи ҳафтаси ва таркибда академиянинг кўплаб футболчилари бор эди. Улар жуда ёш ўйинчилар, ва мен уларнинг маҳоратини ҳам, менталитетини ҳам эътироф этишим керак.

Уч кундан кейин яна бир ўртоқлик ўйинини ўтказамиз. Терма жамоаларда ўйнаган футболчиларимизнинг қайтишини кутяпмиз, шундан сўнг жамоамизга ҳақиқий баҳо бера оламиз», — деди Луис Энрике.