«Брайтон» ярим ҳимоячиси Карлос Балеба «Манчестер Юнайтед»га ўтишни хоҳлайди.
22 ёшли футболчи ўтган йилдан бери «қизил иблислар» лагерига трансфер қилинишига тинмай ҳаракат қилмоқда, деб хабар беради The Touchline нашрига таяниб инсайдер Фабрицио Романо. Камерунлик футболчи ҳозир ҳам умидини узмаган, аммо унинг яқинда олган жароҳати вазиятни мураккаблаштирди.
Манкунианликларнинг Балебага қизиқиши жорий йилда ҳам, ўтган ёзда ҳам борлиги айтилган эди, бироқ иш аниқ таклифгача етиб бормаяпти. Ярим ҳимоячининг «чайкалар» билан амалдаги шартномаси 2028 йилгача мўлжалланган, унинг бозор қиймати эса Transfermarkt мутахассислари томонидан 55 миллион еврога баҳоланмоқда.
