«Тоттенхэм» ҳимоячиси Жед Спенс «Манчестер Юнайтед»га ўтиши мумкин.
Журналист Бен Жейкобснинг хабар беришича, жорий трансфер ойнасида «Тоттенхэм»дан кетиш имкониятини кўриб чиқаётган 25 ёшли футболчининг хизматлари «қизил иблислар»га таклиф қилинган.
Манбага кўра, «шпорлар» Спенсни тахминан 41 миллион еврога баҳолашмоқда, аммо «Манчестер Юнайтед» ҳозирча англиялик футболчини сотиб олиш ёки олмаслик борасида бир қарорга келмаган. Таъкидланишича, Спенс «Ливерпуль»га ҳам таклиф этилган.
2025/26 йилги мавсумда ҳимоячи барча турнирларни инобатга олган ҳолда 44 та учрашувда майдонга тушиб, маҳсулдор ҳаракатлари билан ажралиб турмаган.
