«Астон Вилла» Мадриднинг «Атлетико» клуби ҳимоячиси Маттео Руджери билан шартнома имзолашга яқин турибди. Клублар трансфер суммаси бўйича принципиал келишувга эришишди, ушбу сумма тахминан 20 миллион еврони ташкил этади, деб хабар бермоқда The Athletic.
24 ёшли италиялик футболчининг ўзи Бирмингем клуби билан шахсий шартнома шартлари бўйича музокараларнинг якуний босқичида турибди. Руджери Англия Премьер-лигасига ўтиш тафсилотларини ҳал қилиш учун Мадридда қолди ва «Атлетико» билан Жанубий Кореядаги мавсумолди турнесига учиб кетмади.
«Астон Вилла»да Руджерига «ПСЖ»га ўтаётган Люка Диннинг тўғридан-тўғри ўринбосари сифатида қарашмоқда — Чемпионлар Лигасининг амалдаги ғолиблари унинг шартномасидаги сотиб олиш опциясини фаоллаштиришган.
Маттео Руджери ўтган ёзда «Аталанта»дан «Атлетико»га ўтиб, беш йиллик шартнома имзолаган эди. Мадридликлар таркибидаги ўтган мавсумда италиялик ҳимоячи барча турнирларда 47 та ўйинда майдонга тушиб, ўз ҳисобига 7 та голли узатма ёздириб қўйди.
