«Манчестер Юнайтед» бош мураббийи Майкл Кэррик ярим ҳимоячи Мэйсон Маунтнинг алмаштирилиши бўйича изоҳ берди. Футболчи Гётеборгда «ПСЖ»га қарши кечган мавсумолди ўртоқлик учрашувида англияликларнинг асосий таркибида майдонга тушган, аммо ўйин бошланганидан 20 дақиқа ўтар-ўтмас майдонни тарк этган эди.
«У оёғидан зарба олди. Биз шунчаки эҳтиёткорлик чорасини кўриб, уни асрашга қарор қилдик. Ҳозиргача жиддий жароҳатларсиз ўтаётган эдик, шу сабабли таваккал қилмасликни лозим топдик», — дейди Кэррикнинг сўзларини Football365 нашри келтириб.
Алмаштирилгач, Маунт мустақил равишда трибуна остидаги хонага йўл олган. Кейинчалик пайдо бўлган видеода футболчининг ҳеч қандай муаммосиз клуб автобуси томон кетаётганини кўриш мумкин.
2023 йилда «Челси»дан ўтганидан бери Маунт жароҳатлар сабаб 400 кунга яқин вақтни ўтказиб юборди.
