УЕФА ижроқўми Хорватиянинг Дубровник шаҳрида ўтган икки кунлик муҳомалардан сўнг (19-20 сентябрь) 2016 йилги Европа чемпионати саралаши тўғрисида бир тўхтамга келди. Хабарингиз бор, кўҳна қитьанинг навбатдаги биринчилигида илк бор 24 терма жамоа иштирок этади.

Маълум бўлишича, Европанинг 54 терма жамоаси ҳар бирида 6тадан жамоа бўлган 9та гуруҳга бўлинади. Шу тариқа улар финал турнирининг 23 йўлланмаси учун курашни бошлайдилар. Мусобақа мезбони Франция ҳам саралашда иштирок этади. Аммо улар билан ўйиндаги натижалар ҳисобга киритилмайди, тур ўйинлари ўртоқлик учрашуви сифатида бўлиб ўтади.

Гуруҳ ғолиблари Франция-2016га тўғридан-тўғри йўл олади. Уларга энг яхши натижага эга бўлган иккинчи ўрин соҳиблари ҳам қўшилади. 3-ўринни олган қолган 8 жамоа эса йўлланма учун курашни плей-оффда давом эттирадилар.