Ўзбекистон терма жамоаси ҳимоячиси Жаҳонгир Ўрозов жамоанинг ЖЧ-2026даги иштирокига баҳо берди.

Фабио Каннаваро мураббийлигидаги жамоа гуруҳ босқичида Колумбия (1:3), Португалия (0:5) ва ДР Конго (1:3) терма жамоаларига имкониятни бой бериб қўйган эди.

— Жаҳон чемпионатида бошқача даража, у ерда ўйнаш жуда қийин бўлди. Биз бундай турнирга биринчи марта чиқдик. Бу биз учун тажриба. Умид қиламанки, кейинги Жаҳон чемпионатларида яхшироқ иштирок этамиз.

— Нима учун очко тўплашнинг имкони бўлмади?

— Ўзимизга унчалик ишонмадик, ҳаяжонландик. У ерда юқори даражадаги футболчилар ўйнашди, кўпчилиги — Чемпионлар Лигаси ғолиблари.

— Каннаваронинг ишига қандай баҳо берасиз?

— Ўзбекистон терма жамоасининг барча ўйинларда мағлуб бўлганида Фабио айбдор эмас. Жисмоний ҳолатимиз яхши эди. Каннаваронинг ёрдамчилари бизга кўп нарсани ўргатишди. Бундай иштирок этганимизга футболчиларнинг ўзи айбдор, — деди «Рубин» ҳимоячиси.