«Манчестер Юнайтед» бош мураббийи Майкл Кэррик Франциянинг «ПСЖ» клубига қарши кечган ўртоқлик учрашувидан сўнг ўз фикрларини билдирди. Учрашув 1:1 ҳисобидаги дуранг билан якунланди.

«Ушбу ўйиндан олишни кўзлаган барча нарсамизга эришдик. Баъзида йигитларнинг ўзлари муаммоларни ҳал қилиши ва вазиятдан чиқиш йўлини излаши яхшидир. Зарурат бўлмаганда уларга ҳамиша тайёр жавобларни беришни хоҳламаймиз. Бу уларни мавсумга ҳам озгина тайёрлайди. Бу борада одамлар ҳар доим ҳам кўра олмайдиган ва бизни тўлиқ қониқтирган кўплаб жиҳатлар бор. Жамоада яхши аломатлар кўринди.

Мавсумолди тайёргарлиги яхши ўтди деб ҳисоблайман. Ўтказилган ўйинларда секин-аста суръатни ошириб бордик. Скандинавияда бўлдик, у ерда посироқ ва осуда муҳитда тайёргарлик кўриш ёқимли бўлди. Одатда, сафарларга чиққанда ҳамма нарса меҳмонхона ва стадионга бориш билан чекланиб қолади, лекин бу сафар биз маҳаллий аҳоли орасида бироз сайр қилдик ва мухлислар билан мулоқотда бўлдик. Йилнинг бу вақтида бу жуда муҳим, чунки сиз мухлисларнинг энергияси ва эҳтиросини ҳис қиласиз. Ҳаммамиз бу ерда айнан шунинг учун — уларга қувонч бағишлаш учун йиғилганмиз. Афсуски, бугун ғалабани қўлга кирита олмадик, аммо умид қиламанки, позитив лаҳзалар кўп бўлди ва улар ўйиндан завқ олишганини айта олишади», — дейди Кэррикнинг сўзларини «Манчестер Юнайтед» расмий сайти келтириб.

АПЛнинг 2026/2027 йилги мавсум 1-турида «МЮ» 22 август куни «Халл Сити»га қарши майдонга тушади.