«Реал» бош мураббийи Жозе Моуриньо «Ференцварош»га қарши ўтказилган ўртоқлик ўйинидаги (2:1) ғалабадан сўнг ўз фикрларини билдириб, нима учун биринчи тайм унга иккинчисидан кўра кўпроқ ёққанини тушунтириб берди.
«Авваламбор, «Ференцварош»га ажойиб машғулот учун миннатдорчилик билдирмоқчиман. Улар Европа Лигасида аллақачон бешта ўйин ўтказишган, жуда юқори шиддат билан ўйнашаётгани кўриниб турибди, бу эса яхши. Биринчи тайм менга иккинчисига қараганда кўпроқ ёқди. Бу мени ажаблантирмайди. Биринчи таймда биз аллақачон бирга ишлаган ва бир нечта ўйин ўтказган таркиб ҳаракат қилди. Майдондаги футболчилар ўртасида ўзаро тушуниш даражаси юқорироқ эди. Ўйин жуда яхши назорат қилинди. Иккинчи таймда эса кўп дақиқа ўйнамаган ва бор-жоғи бир нечта машғулот ўтказган Винисиус ва Бернардо [Силва] тушди… Шунингдек, Эндрикнинг позициясини ўзгартирдик ва ўйин ташкилотчилигини бироз бой бериб қўйдик. Аммо бу фойдали бўлди. Мен учун ҳамма нарсани мукаммал бажаришдан кўра, фикрлаш, таҳлил қилиш ва доимо ривожланишга имкон берадиган хатоларга йўл қўйиш муҳимроқ», — деди Моуриньо.
