The Athletic нашрининг хабар беришича, "Фулхэм" "Саутгемптон" билан 22 ёшли ярим ҳимоячи Ши Чарльзнинг трансфери бўйича келишувга эришди.
Футболчи душанба куни тиббий кўрикдан ўтиши режалаштирилган. Шундан сўнг, у Лондон клуби билан беш йиллик шартнома имзолайди.
Трансфер нархи 26 миллион фунт стерлинг ва бонуслар сифатида 4 миллион фунт стерлингни ташкил этади. Бу Шимолий Ирландиялик футболчи учун тўланган энг катта тўловдир.
Ши Чарльз ўтган мавсумда Чемпионшипда 33 та ўйинда майдонга тушиб, тўртта гол урди ва иккита голли узатмани амалга оширди.
