«Ливерпуль» «Барселона» ҳимоячиси Рональд Араухони ўз сафига қўшиб олди. Энди мерсисайдликлар уругвайлик футболчини янги футболчиси сифатида расман таништириши кутилмоқда.
Трансферлар бўйича машҳур инсайдер Фабрицио Романонинг маълум қилишича, «Ливерпуль» ва «Барселона» Араухо трансфери бўйича барча ҳужжатларни алмашган ва келишувга тегишли ҳужжатлар имзоланган.
«"Ливерпуль" ва "Барселона" Рональд Араухо трансфери бўйича барча ҳужжатларни алмашди. Ҳаммаси имзоланди ва Араухо тез орада "Ливерпуль"нинг янги ҳимоячиси сифатида таништирилади», — деб ёзди Романо.
Инсайдер ушбу трансферни «эксклюзив хабар, тасдиқланган» дея таърифлаган.
Шу тариқа, уругвайлик марказий ҳимоячи «Ливерпуль»нинг ёзги трансферларидаги навбатдаги янги футболчига айланмоқда. Клуб трансферни расман эълон қилиши яқин вақт ичида кутилмоқда.
