Испания терма жамоаси ҳужумчиси Ферран Торрес жамоанинг жаҳон чемпионатидаги муваффақиятсиз стартидан сўнг бош мураббий Луис де ла Фуэнтега қандай мурожаат қилгани ҳақида гапириб берди.
«Қизил фурия» гуруҳ босқичининг биринчи турида Кабо-Вердега қарши ўйинда кутилмаганда очко йўқотди — 0:0. Қолган барча учрашувларда испанлар ғалаба қозонишди ва якунда кубокни қўлга киритишди.
«ЖЧ-2026’даги биринчи ўйиндан сўнг мен де ла Фуэнтега хавотир олмаслиги кераклигини айтдим, чунки мен энг муҳим пайтларда ўзимни кўрсатаман», — дейди Торреснинг сўзларини келтирган Barca Universal.
26 ёшли ҳужумчи Испаниянинг Аргентина устидан қозонган ғалабаси билан якунланган мундиал финалидаги ягона голни урди. «Барселона» вакили ҳал қилувчи баҳснинг 106-дақиқасида тўпни дарвоза тўрига жойлаб қўйди.
